Et war an de läschte Joren e bëssche roueg ëm d'Sonnen- a Mounddäischterten zu Lëtzebuerg.
Mee am Joer 2015 si mer mol rëm matt am Coup.
Den 20. März konnte mer zu Lëtzebuerg eng partiell Sonnendäischtert ze erliewen, an op d'mannst an der Haaptstad hate mer och eenjermoosse Chance mam Wieder, sou dass d'Sonn während dem ganze Spektakel nëmmen heiandsdo hannert de Wolleke verstoppt war. Mir konnten d'Däischtert also während gudd 2 Stonnen, vum 1. Kontakt bis zum Schluss, zimmlech gudd verfollegen.
Ech hun e puer Fotoen, déi ech an där Zäit (mat engem klengen Fotoapparat duerch eng Schutzfolie) gemaach hun, zu engem Panorama zesummegestallt :
28. September 2015
Et gin Toperten op dëser Welt. An Toperten ...
Di eng sin déi, di ze domm si, fir hire Wecker richteg ze stellen, an dann réischt erweche, wann d'Mounddäischtert scho bal hallef gelaf ass.
Di aner sin déi, déi scho wéi laang wëllen en uerdentleche Fotosapparat kafen, a wann et drëm hier geet, hun se awer nëmmen e klengen Täschenapparat.
A wann di zwee da beienee kommen ...
Mir hate fir dës Mounddäischtert di bescht méiglech Konditiounen : Keng Wollek um Himmel, an de Mound op sénger nootster Distanz zur Äerd, sou dass e richteg grouss um Himmel stoung.
Perfekt Konditiounen also fir eng Mounddäischtert ze kucken, an da kommen ech eréischt, wann d'Totalitéit scho bal erreecht ass.
Mee egal, d'Biller vum Mound duerch den Teleskop während der Däischtert ware fantastesch, an d'Fotoe mam klengen Apparat hu mer et trotzdem erlaabt, dëse Panorama zesummenzestellen :
Mee hautesdaags brauch ee jo net mol méi e Fotoapparat ...
Hei 2 Opnahmen vu méngem Nëwwi Charel, déi hie mat séngem Handy opgeholl huet :
Lo musse mer rëm méi laang waarden : Niewt enger partieller Mounddäischtert am fréien Owend vum 7. August 2017 gëtt et di next total Mounddäischtert an Europa eréischt de 27. Juli 2018.
